Skolae Ikastetxea - Coeducación

Breadcrumb

Inicio
Skolae Programa
Skolae Ikastetxea Volver

Skolae ikastetxea:
skolae programa egunerokoan

Ikastetxe baten hezkidetza-eraldaketaren ibilbide-orria: 11 item

Ikastetxe bat hezkidetzan etengabe eraldatzeko, beharrezkoa da Hezkidetzako Nortasun Plana (HNP) eta hezkuntza-komunitate osoaren inplikazioa.

Klaustro osoak adostuta eta Talde Bultzatzaileak idatzita, HNPek, besteak beste, 11 itemetan antolatutako ekintzak zehazten ditu, ikastetxe misto batetik hezkidetzako ikastetxe batera igarotzea lortzeko.

Skolae gorpuzten duten 11 oinarri

Zergatik hezkidetza?

Zer da gela hezkidetzailea?

Zein ikaskuntza sustatu behar dira gelan?

Ezkutuko kurrikulua kontutan hartzen dugu?

Eta baliabideak? Eta metodologia?

Generoarengatik baldintzatutako munduan egoteko eta izateko modu konkretu eta okerra transmititzen jarraitzen badugu; ez badugu ulertzen ikasleen garapen integrala alderdi kognitibo eta arrazionala baino haratago doala; ez baditugu zaintzak eta elkarren arteko ardura baloratzen.

Hezkidetza lantzen ari gara?

Klikatu hemen gehiago jakiteko

Ikasgelara eramateko SKOLAEk proposatutako jarduerak ezagutu nahi badituzu, sakatu hemen: IKASTUNZA 1, IKASKUNTZA 2, IKASKUNTZA 3 eta IKASKUNTZA 4.

Patioa, pasabideak, polikiroldegia, komunak, liburutegia, laborategia, ...

Nola erabiltzen dira?

Espazio seguruak al dira?

Berdinen arteko bizikidetza ahalbidetzen dute?

Tratu onetan oinarritutako harremanak sustatzen dituzte?

Ez badugu eskuhartzen, bazterketak eta bereizketak espazio komunetan ohikoak izaten jarraituko dute.

Klikatu hemen gehiago jakiteko

Gure patio-gida kontsultatu nahi duzu? Klikatu hemen.

Familia, maskulinitate eta feminitate aniztasuna ikustarazten duen hizkuntza eta irudi inklusibo ez sexistak erabiltzen ditugu?

Hizkuntza hezkidetzaileak pertsona guztiak aintzat hartzen ditu, estereotipo sexistak apurtzen ditu, talde guztiak integratzen ditu eta pertsona guztiak baloratzen ditu aniztasuna aberastasun iturritzat hartuz.

Klikatu hemen gehiago jakiteko

Hezkidetzak beste planak zeharkakotzen ditu? Aniztasun Plana, Bizikidetza Plana, Tutoretza Plana, Orientazio Akademikoaren Plana...

Transexualitate eta genero indarkeriaren egoeren aurrean hezkuntza eremuko protokolo zehatzak ezagutzen al ditugu?

Urteko Programazio Orokorra osatzen duten beste planak eta Ikastetxeko Hezkuntza Proiektua ezagutzera ematea hezkidetza nortasuna izateko prozesua ezagutzeko, finkatzeko eta sistematizatzeko balio du.

Klikatu hemen gehiago jakiteko

Liburutegiko baliabideetan...

Ba al dago idazle emakume eta gizonen arteko oreka?

Baliabideen artean, berdintasunean oinarritutako eta estereotipatu gabeko bizitza ereduak ba al daude?

Irakurketa kritikoa sustatzen duten proposamenak ba al ditugu?

Ikastetxeko edo gelako liburutegian dauden baliabideak, haien edukien bitartez, gure ikasleen iruditeria baldintzatzen eta eraikitzen dute.

Klikatu hemen gehiago jakiteko

Zerbitzu hauek burutzen duten pertsonen arteko genero desberdintasunak identifikatzen ditugu?

Irakasleak ez diren langileek egiten duten lana baloratzen dugu?

Irakasleak ez diren langileak Hezkidetza Nortasun Plana ezagutzen dute?

Irakasleak ez diren langileak informatu behar ditugu, hezkidetza proiektuaren parte izan behar dira eta bere garapenean modu aktiboan parte hartu behar dute.

Klikatu hemen gehiago jakiteko

Familiei hezkidetza helburuen eta ikastetxearen hezkidetza nortasunaren berri ematen diegu?

Familiak eraldaketa hezkidetzailearen parte bihurtzen ditugu?

Berdintasunean bizitzeko ahalbidetuko duten gaitasunak sustatzeko familia eremuan jarraipena izatea garrantzitsua da, hezkuntza eremuan landutakoarekin koherentzia izan dezan.

Klikatu hemen gehiago jakiteko

Espazio eta denborak antolatzen ditugu hezkuntza komunitatea ikastetxeko bizitzan parte hartu ahal izateko?

Ikasleen parte hartze ekitatiboa eta lan kooperatiboa sustatzen dugu?

Askotan ikastetxeetan parte hartzeko eredu eta komunikazio estilo baztertzaileak errepikatzen dira, parte hartzea eta inplikazioa baldintzatuz eta berdintasun eza indartzen dituzten jarrerak sustatuz.

Klikatu hemen gehiago jakiteko

Zeintzuk ospatzen ditugu?

Ikasleekin batera ospakizun hauen arrazoien inguruan hausnartzen dugu?

Ba al dago presente hezkidetza ospatzen ditugun beste egunetan?

Ospakizunak hezkuntza komunitate osoak hausnartzeko aukera ematen dute eta elkarren arteko ekintzak proposatu daitezke. Gainera, ikastetxean egiten den hezkidetzaren aldeko lana ikustarazteko balio dute.

Klikatu hemen gehiago jakiteko

Datuak bereizten ditugu sexo-genero aniztasuna kontutan hartuz?

Familia aniztasuna kontutan hartzen dugu?

Datuak gure ikastetxearen errealitatea isladatzen dute, eta berdintasun ezan oinarritutako errealitateak eraldatzeko analisia egiteko aukera ematen digute.

Nola erregistratzen dugu ikastetxean ematen den edozein egoera edo ekintza (ez gelaratzeak, bizikidetza arazoak, emaitza akademikoak, ordezkarien aukeraketa, irakasleen postu osagarriak,...)?

Klikatu hemen gehiago jakiteko

Nola antolatzen dugu prozesuaren jarraipen eta ebaluazioa?

Emaitzak eta esperientzien partekatzeari denbora eskeintzen diogu?

Edozein eraldaketa prozesuaren aurrean, egindakoaren inguruan hausnartzea eta lortzeke dauden hobekuntza alderdiak identifikatzea beharrezkoa da. Aldi berean, egindako aurrerapena baloratu behar da, indarberrituz, gogoberrituz eta hezkidetza eraldaketarekiko kompromezua bermatuz.

Klikatu hemen gehiago jakiteko