Baterako Ekintzan parte hartzea borondatezkoa da, eta SKOLAE zentro guztiei zuzenduta dago. Ikasturte guztietan, arrazoi bategatik edo besteagatik puri-purian dauden gaiak jorratzen dira. Aurten, SKOLAEren baterako ekintza-proposamena adostasunean oinarritu zen, mugak jartzeko eta jartzen dizkigutenean onartzeko gaitasuna garatzean.

Horretarako, hainbat baliabide proposatu genituen (bibliografikoak eta ikus-entzunezkoak) abiapuntu gisa, eta parte-hartzaileen zentroetara bidali genituen, ekintza bateratuaren garapena errazteko. Irakasleen parte-hartzea hainbat modalitatetan antolatu zen; beraz, ikastetxe bereko banaka edo taldeka parte har zezaketen, edo parte hartzeko modalitate bereko ikastetxe desberdinetako irakasleek batera.

Irakasleek, aukeratutako parte-hartze modalitatea edozein dela ere, hiru prestakuntza- eta aholkularitza-saio izan zituzten SKOLAE talde teknikoaren eta Nafarroako Osasun Publikoaren eta Lan Osasunaren Institutuko (ISPLN) sexu-hezitzaileen aldetik. Saio horiek tailer teoriko-praktikoetan antolatu ziren, edukietan eta metodologietan sakonduz, parte-hartzaileek beren ikastetxean modalitate hauen artean aukeratutako aukera testuinguruan kokatu ahal izan zezaten:

• Gaiarekin lotutako adierazpen artistikoko lana (musikala, plastikoa, dantza, instalazioa, antzerkia, etab.). Prozesuaren eta emaitzaren argazkiak edo bideoa bidal zitezkeen.

• Gaiarekin lotutako testu narratiboa (ipuina, poesia, antzerkia, etab.). Ikasleek egindako marrazkiak eta argazkiak izan zitzakeen.

• Gaiari buruzko ikus-entzunezko lana (180 segundo baino gutxiagokoa).

Azken produktuak askotarikoak izan ziren, ekimen honetan parte hartu zuten ikastetxeak bezain askotarikoak. 24 ikastetxetako 46 irakaslek aurkeztu zituzten proposamenak, ikaskuntza-kaxetatik dramatizazioetaraino. Hurrengo bideoan, esperientzia honen laburpena ikusi ahal izango duzue, protagonistek kontatuta.

Bideoa euskaraz.

Bideoa gaztelaniaz.