"Nire irudikoz" ekimena Huarteko Arte Garaikideko Zentroarekin elkarlanean sortu eta garatu du Hezkidetza Bulegoak.

Selfie-a ardatz hartuta eta Uharteko Arte Garaikideko Zentroko arte-hezitzaileen tutoretzapean, etapa guztietako 96 irakaslek beren proposamen didaktiko bereziak garatu dituzte.

Selfie-a, digitalaren bidez proiektatu eta zabaldutako irudia, abiapuntua izan da. Hortik abiatuta, hezkuntza-etapa guztietako 96 irakaslek proposamen didaktiko partikular bat garatu dute beren ikasleekin, ikastetxeko errealitatera egokitua. Horrela, Haur Hezkuntzako, Lehen Hezkuntzako eta Bigarren Hezkuntzako 2.000 ikasle inguruk SKOLAE programako metodologia artistikoen bidez lan egin ahal izan dute.

Ekimen honen bidez, irakasleei baliabideak eskaini zaizkie hainbat eduki lantzeko, hala nola gorputzen aniztasuna, nortasunaren adierazpena, irudiaren eraikuntza, estereotipoak, edertasun-arauak, etab. Ekimenean borondatez parte hartu duten irakasleek (96 irakasle) Bitartean, arte eta hezkuntzako espezialisten banakako edo taldeko tutoretza izan dute. Tutoretzari esker, irakasle bakoitzak bere proposamen partikularra zehaztu, diseinatu eta garatu du, bertako artisten lanetan oinarrituta edo inspiratuta, hala nola Txuspo Poyoren eta Mirari Echávarriren lanetan.

Emaitzak proiektuak garatu diren gelak bezain askotarikoak izan dira. Horrela, Tafallako Garces de los Fallosen, adibidez, Bigarren Hezkuntzako ikasleek senideen biografiak, memoria historikoa eta nortasun indibiduala uztartu dituzte. Zerbitzu Ikaskuntzako osagaiak ere badituen proposamen didaktiko bat da, herritarren hirugarren adineko kolektiboekin partekatuko baita. CPIP San Francisco HLHIko irakasle-talde osoak gauzatutako proiektua, ordea, genero-estereotipoetan zentratu da; eta Iturenen IP Pulunpan autoerretratua eta identitate-alderdi batzuen aintzatespena landu dira. Proiektu guztiak ez dira amaitutzat eman, batzuek jarraipena izango dute datorren ikasturtean.

Jarraian dagoen bideoak ekimenaren laburpena jasotzen du.

Acceso al vídeo